被噤聲ê台灣意識：台語文運動ê過去kap現在進行式
＃時間6/22(五)，19:30-21:30
＃地點高雄市第一社區大學，校本部3-4教室
前衛出版社主編。
國立台中教育大學台語系學士、國立台灣師範大學台文系碩士。捌擔任永和社區大學台灣文學課程講師、捍衛台灣文史青年組合成員，學術方面的興趣是台灣文學本土論、台灣文學史、本土語文kap認同議題。
講題簡介
1980年代以來，跟綴台灣社會ê民主化、自由化，「台灣意識」漸漸成做一項關鍵字，嘛是戰後台灣開始推動「本土化」ê重要背景。文化領域內底，針對長年「國語運動」對本土語文ê壓迫kap歧視，「台語」佇政治、歷史kap認同起造工程當中所扮演ê角色kap影響力，也愈來愈明顯。
但是，對戰前到戰後，有關「台語」（台灣話、Ho-lo話、狹義ê台語）ê文學作品、文化痕跡、運動累積kap各種相關文化現象，是按怎攏無出現佇文學史、文化史內底？「台語」敢真正成做一種「常識」，成做一種全民認同ê「民族語言」--ah？伊按怎變成一種「無名ê共同語」？
面對爭議ê名稱以及台灣複雜ê殖民地歷史kap多元族群問題，「台語」ê過去有啥物款ê議題kap啟示？「台語」ê未來，對台灣文化來講，有啥物款ê意義？
向望佇這場講座內底，提出一寡粗淺ê看法來討論、交流。
